]
هذا الشعر الجميل اقرأ وعطني رايك
عروق الحشا من كثر صدّه معاطيـش
ماظنّهـا مـن عقـب صـدّه تعيشـي
من حولـه الخفـرات ماياكـلٍ عيـش
برموشه اللي كنّهـا صفـوف جيشـي
امحنّـي كفـوفٍ عليهـا نقـاريـش
والشعر الأشقـر زاهـيٍ دون ميشـي
والخد يوضـي كنّـه انـوار تفتيـش
صكوّ على المطلـوب سبّـة حشيشـي
حاول يبررّ موقفه ( ياعـرب ليـش )
وتغافـل العسكـر بجـرأه وطيـشـي
ودعس على اللي يعجبك بالمطاريـش
تسمع لصوت الجمس حـن وشيشـي
وفاعو وراه وعمّمو لوحته ( طيـش )
ولحقـوه بالنيسـان والمستبيـشـي
رجله تدوس البنص وعينه على الجيش
وبدا الرمي حولـه يصيـب ويطيشـي
توايـره بالقـاع صـارت مفـاريـش
وصلد الحصى من حر هوبه هشيشـي
وزبن علـى ريـعٍ ملتـه الخفافيـش
وقالـو لـه احـذر لاتقـاوم تعيشـي
وحيد مع همّه كما القاضـي جحيـش
مابين نـاب الذيـب وحيّـة نويشـي
حصيره من سمر الحصى واكثره خيش
يلـوج كـنّـه ذيــب ودّه يعيـشـي
رفـض رسالتهـم وطنّشهـا تطنيـش
ودارت رحاهـم بيـن رش ورشيشـي
حاول يقاوم فـوج سحـم الطرابيـش
ميـر الزمـل ماترحمـك ياحويـشـي
واضحى صريعٍ ماانفعتـه المخاشيـش
والحمل وسط الجمـس مابعـد نيشـي
أصبحت من عين العديم أشقر الريـش
متقلـبٍ كنّـي قـريـص الحنيـشـي
والله ماانسى ليّـن العـود لـو إيـش
لو طارت طيور السمـاء دون ريشـي
[/center]